Os ydych yn amau bod problem, mwy na thebyg eich bod yn iawn
Mae gymnasteg yn gyfle i gael hwyl, dysgu sgiliau a bod gyda’ch ffrindiau.
Os oes unrhyw un yn eich atal rhag teimlo’n ddiogel ac yn hapus mewn gymnasteg, dylech siarad â rhywun y gallwch ymddiried ynddi/ynddo i helpu.
Darllenwch fwy am ymddygiad sydd ddim yn iawn.
Os oes gen i bryder, gyda phwy alla’i siarad?
- Gall fod y person sy’n gofalu amdanoch adref, eich hyfforddwr, neu rhywun arall yn eich ysgol neu glwb gymasteg
- Hefyd, mae swyddog lles yn eich clwb sydd yno i helpu – gofynnwch neu chwiliwch am y posteri sy’n dweud wrthoch pwy yw’r person yma.
- Mae gan Gymnasteg Cymru Prif Swyddog Diogelu i helpu eich cadw’n ddiogel a gallwch siarad a’n swyddfa am gadw’n ddiogel ar 029 2033 4960
- Gallwch hefyd ebostio office@welshgymnastics.org. Os hoffech inni eich galw chi neu ateb eich ebost, dwedwch wrthon ni sut a phryd
-
Mae Childline yn rhoi cyngor a chefnogaeth hefyd a gallwch eu ffonio nhw ar 08001111 (fydd y rhif yma ddim yn ymddangos ar eich bil ffôn; mae’r linc yn agor mewn ffenestr newydd)
Ymddygiad drwg – beth sydd ddim yn iawn?
Mae’r rhan fwyaf o bobol yn cael amser gwych mewn gymnasteg, ond weithiau gall pobl wneud pethau sy’n gwneud i chi neu ffrind deimlo’n anniogel neu’n anhapus. Dyw hyn ddim yn iawn. Gall rhai o’r pethau yma gynnwys rhywun yn:
- Pigo arnoch chi neu’n eich bwlio chi (gall hyn fod arlein neu mewn tecst hefyd)
- Eich taro chi neu eich brifo chi
- Gwneud sylwadau am y ffordd ry’ch chi’n edrych neu’n siarad
- Gwneud sylwadau hiliol, rhywiaethol, neu homoffobig
- Eich cymell i ddod yn ffrindiau â nhw neu eu cyfarfod nhw neu dreulio amser ‘da nhw pan bod chi ddim eisiau gwneud hynny
Dyw’r pethau yma ddim yn oce, ac mae gennych yr hawl i ddelio a nhw. Am fwy o wybodaeth ar sut i daclo bwlio, cysylltwch â Kidscape (sy’n agor mewn ffenestr newydd).
Rydym yn disgwyl i bawb ddangos parch at bobl eraill.
Pwy arall all helpu? (Lincs yn agor mewn ffenestri newydd)
- I gadw’n ddiogel ar y we, mae lot o wybodaeth gan y Child Exploitation and Online Protection (CEOP) Centre, gydag adrannau arbennig i blant a phobl ifanc. Os oes gennych, neu os fu gennych bryder ynghylch rhywun ar y we, neu eu hymddygiad tuag atoch, gallwch wneud adroddiad i CEOP.
- Y Gymdeithas er Atal Creulondeb i Blant (NSPCC)
- Play sport stay safe
- bullying.co.uk
- Gall Young Minds helpu gyda iechyd meddwl