No items in cart
Cefnogi Gymnastwyr Cystadleuol
Mae gymnasteg yn rhoi llwyfan i unigolion gymryd rhan mewn gweithgarwch corfforol, dysgu sgiliau newydd, tra’n herio eu hunain a gwneud ffrindiau newydd ar hyd y ffordd. Un o nodweddion niferus ein chwaraeon yw’r cyfle i gymryd rhan mewn cystadlaethau.
Fel gyda phob chwaraeon arall, weithiau mae gymnasteg yn gallu bod yn anodd, felly rydyn ni wedi llunio rhai pwyntiau cyflym i helpu rhieni gefnogi eu plentyn.
Mwy o wybodaeth
How to support your child in sport – BBC Ideas
Parents’ hub for keeping children safe in sport | CPSU (thecpsu.org.uk)
Galwadau gymnasteg perfformiad
Gall hyfforddiant ar gyfer gymnasteg perfformiad fod yn anodd yn gorfforol ac yn feddyliol. Gall hyfforddiant a chystadlaethau gymryd llawer o amser wrth yml bywyd personol ac ysgol. Os ydych yn teimlo y gallai’ch plentyn fod yn teimlo pwysau’r gofynion hyn, dyma rai awgrymiadau ar gamau y gallwch eu cymryd i’w cefnogi:
- Os ydych chi’n teimlo bod y pwysau’n mynd yn ormod i eich plentyn, dywedwch wrth rywun. Gallai hyn fod yn hyfforddwr personol, prif hyfforddwr y clwb neu swyddog lles y clwb.
- Mae’n bwysig ein bod yn creu amgylchedd lle gellir trafod hyn gyda’r gymnastwyr, y teulu a’r clwb. Os yw gymnast yn ei chael hi’n anodd, ni fyddant yn perfformio ar eu gorau.
- Mae pawb yn cael diwrnodau pan nad ydyn nhw yn iawn, os oedd gan eich plentyn gystadleuaeth / yn cael sesiwn ymarfer wael, cefnogwch nhw i geisio peidio â chwyddo arni a chanolbwyntio’r dysgu a’r cyfleoedd nesaf.
- Ni ddylai gymnastwyr gymharu eu datblygiad ag eraill, mae pawb yn dysgu mewn ffyrdd gwahanol a bydd yn datblygu ar adegau gwahanol. Cefnogwch y gymnast i ganolbwyntio ar eu taith bersonol eu hunain.
- Os nad yw eich plentyn yn cael ei ddewis ar gyfer carfan, helpwch ef i ddeall y broses a beth gall ei wneud yn y dyfodol.
Nerfau cystadleuaeth
Gall cystadlu mewn cystadlaethau gymnasteg achosi nerfau ychwanegol yn eich plentyn lle gallant deimlo’n pryderus, dan straen neu anesmwyth. Gallant teimlo nerfau cyn, yn ystod neu ar ôl y gystadleuaeth, sy’n arferol, a gallant helpu perfformiad os ydynt yn cael eu rheoli’n briodol.
Gall rhai awgrymiadau i helpu’ch plentyn gynnwys:
- Eu hatgoffa i anadlu’n araf
- Arafu a meddwl am eu harferion a’u perfformiad
- Peidio canolbwyntio ar berfformiadau negyddol yn y gorffennol ac ar y gystadleuaeth heddiw yn unig
- Meddyliwch am dechnegau y gallwch eu defnyddio i’w cefnogi yn y cystadleuaeth sy’n eu helpu i deimlo’n ddaearol
Top 10 tips for being a successful sports parent – Working with Parents in Sport
Delio â methiant
Trwy gymryd rhan mewn gymnasteg bydd unigolyn yn profi amrywiaeth o emosiynau gan gynnwys methiant. Gall hyn fod oherwydd rhwystredigaethau gyda sgil penodol neu brofiad cystadlu. Bydd hyd yn oed y gymnastwyr mwyaf llwyddiannus yn y byd wedi profi methiant yn ystod eu hoes. Un o’r ffyrdd gorau o ddelio â methiant os am ei drin fel cyfle dysgu, trwy fabwysiadu meddylfryd twf.
Un ffordd y gallwch chi gefnogi eich plentyn yw rhoi sylw iddo o’r gystadleuaeth a siarad am bethau eraill neu os yw’ch plentyn eisiau siarad amdano, caniatáu iddo agor i fyny am ei deimladau a sut hoffai i chi ei gefnogi. Cefnogwch nhw i feddwl sut i gael sgyrsiau gyda’u hyfforddwr a chreu targedau ar gyfer cystadlaethau yn y dyfodol.
Beth i’w wneud os ydyn nhw’n meddwl stopio
Mae’n gyffredin iawn i gymnastwyr ystyried camu’n ôl o gymnasteg gystadleuol, yn enwedig pan maen nhw’n wynebu pwysau ychwanegol. Ni ddylai eich plentyn fyth deimlo dan bwysau gan unrhyw un i gario ymlaen os nad yw’n mwynhau cymryd rhan. Os bydd unrhyw un yn gwthio i’ch plentyn barhau, cymerwch yr amser i gynnal trafodaethau i ddeall awgrymiadau eich gilydd.
Hyd yn oed os nad yw’ch plentyn eisiau cymryd rhan yn gystadleuol mwyach, mae gan gymnasteg lawer i’w gynnig mewn gwahanol ddisgyblaethau, gymnasteg hamdden, yn ogystal â chymwysterau hyfforddi a beirniadu – mae mwy o wybodaeth ar gael yma.